આપણા પ્રભુ અને તારણહાર ઈસુ ખ્રિસ્તના અગમ્ય નામ પર તમને બધાને ખૂબ ખૂબ શુભેચ્છાઓ.
છેલ્લા કેટલાક મહિનાઓથી આખી દુનિયા કોરોના વાયરસ રોગચાળાને કારણે ભયંકર સમયમાંથી પસાર થઈ રહી છે. કોઈપણ ભેદભાવ વિના વિશ્વાસીઓ અને અવિશ્વાસીઓ એકસરખું આ રોગચાળોનો ભોગ બની રહ્યા છે અને મૃત્યુ પામ્યા છે. ઘણા હૃદય હજી પણ તેમના નજીકના અને પ્રિયજનોના નુકસાન પર શોક વ્યક્ત કરી રહ્યા છે. પરંતુ વિશ્વાસી અને અવિશ્વાસીના મૃત્યુ વચ્ચે શું તફાવત છે? મૃત્યુ પછી તેમનું શું થાય છે? શું તેમને મૃત્યુ પછી કોઈ આશા છે? 1 કરિંથીઓ 15:19 માં પ્રેરિત પાઉલ કહે છે, “જો આપણી ખ્રિસ્તમાંની અભિલાષા માત્ર આ દુન્યવી જીવન પૂરતી મર્યાદિત હોય તો બીજા લોકો કરતાં પણ આપણે વધુ દયાજનક છીએ.” તો ચાલો આપણે શાસ્ત્ર શોધીશું અને આ વિષય વિશે શાસ્ત્ર આપણને શું કહે છે તે ટૂંકમાં જોઈએ.
[એ] જેઓ ખ્રિસ્ત વિના મરી જાય છે તેમનું શું થાય છે?
1. તેમના મૃત્યુ સાથે, તેમની આશા પણ મરી જાય છે. (નીતિવચનો 11: 7)
2. તેમનો ભાગ સળગતાં ગંધકની ખાઈમાં હશે, જેને બાઇબલ બીજું મરણ કહે છૅ. (પ્રકટીકરણ 21: 8)
3. તેઓને સદા એટલે કે શાશ્વત સજા કરવામાં આવશે. (માથ્થી 25:46)
4. આ લોકો અનંતકાળ સુધી ચાલતા વિનાશથી દંડાશે. પ્રભુના સાનિધ્યથી અને તેના મહિમાવાન સાર્મથ્યથી છૂટા થઈ જશે. (2 થેસ્સલોનિકીઓને 1: 9)
5. તેઓને બહારના અંધકારમાં ફેંકી દેવાશે. તેઓ ત્યાં રૂદન કરશે અને પીડાથી દાંત કચકચાવશે. (માથ્થી 8:12)
[બી] જેઓ ખ્રિસ્તમાં મરે છે તેમનું શું થાય છે?
1. તેમની પાસે આશા અને આત્મવિશ્વાસ છે અને મૃત્યુમાં પણ આશ્રય છે. (નીતિવચનો 14:32)
2. તેમનું શરીર મરી જાય છે પરંતુ તેમની આત્માઓ ખ્રિસ્ત સાથે રહેવા જાય છે. (સભાશિક્ષક 12: 7, લૂક 8: 54-55, યાકૂબ 2:26, પ્રેરિતો 7:59, યોહાન 19:30, લૂક 23:46, માથ્થી 27:50)
3. તેઓ તરત જ ખ્રિસ્તની હાજરીમાં પ્રવેશ કરે છે. (લૂક 23:43, 2 કરિંથી 5: 1-8, ફિલિપ્પી 1: 21-24, યોહાન 17:24, પ્રેરિતો 7: 54-60, પ્રકટીકરણ 6: 9-11)
4. તેઓ સભાન અવસ્થામાં છે. (માથ્થી 22:32, 17: 3, માર્ક 9: 4, લૂક 9:30)
5. તેઓ હવે ઈસુ સાથે મળીને જીવે છે. (1 થેસ્સલોનિ 5:10)
6. તેઓ ધન્ય છે અને તેઓ હવે તેમની સખત મજૂરીથી આરામ કરી રહ્યા છે. (પ્રકટીકરણ 14:13)
7. તેઓ દેવના મંદિરમાં રાત-દિવસ આરાધના કરી રહ્યા છે. (પ્રકટીકરણ 7: 15)
8. તેઓ સંપૂર્ણ સુખ અને આનંદની સ્થિતિમાં છે. (ગીતશાસ્ત્ર 16:11)
9. તેઓ શારીરિક પુનરુત્થાનની રાહ જોઈ રહ્યા છે. (1 કરિંથી 15:12-49, 1 થેસ્સલોનિ 4:13-18)
હું પ્રાર્થના કરું છું કે આ સત્ય આપણા હૃદયના ઊંડાણ માં જાય અને આપણે આશા ન રાખનારાની જેમ શોક ન કરીએ. પ્રભુ આ ધન્ય આશા સાથે તમામ શોક કરનારા હૃદયને દિલાસો આપે !!
