બાઇબલમાં હિબ્રૂઓનું પુસ્તક યહૂદી વિશ્વાસીઓને લખવામાં આવ્યું હતું, જે સતત સતાવણી ના કારણે તેમનો વિશ્વાસ ગુમાવવાના આરે હતા. તેમાંના કેટલાકને જેલમાં પણ રાખવામાં આવ્યા હતા (હિબ્રૂ 13:3).  પરંતુ લાગે છે કે અત્યાર સુધી કોઈ શહીદ થયા હતા નહિ (હિબ્રૂ 12: 3-4).

આ તેમના માટે નવું ન હતું. ઈસુ ખ્રિસ્તમાં તેમની શ્રદ્ધા હોવાને કારણે, તેઓએ અગાઉ પણ સતાવણીનો સામનો કર્યો હતો. ભૂતકાળ માં, તેઓ જાહેરમાં અપમાન અને વેદનાઓનો ભોગ બન્યા હતા. તેઓએ તેમની મદદ પણ કરી હતી જેની સાથે આ રીતે વર્તન કરવામાં આવ્યું હતું. અને જ્યારે તેમની સંપત્તિ જપ્ત કરવામાં આવી હતી, ત્યારે તેઓએ ખુશીથી સહન કર્યું હતું (હિબ્રૂ 10:32-34). પરંતુ હવે જ્યારે તેઓ ફરીથી સતાવણીનો સામનો કરી રહ્યા છે, ત્યારે તેઓ તેને સહન કરવા માંગતા નથી. તેઓને તેમના જૂના ધર્મમાં પાછા ફરવાનું વધુ સારું અને સલામત લાગ્યું. તેઓ સત્યથી સરકી રહ્યા હતા. તેમાંના કેટલાક લોકોએ ચર્ચની સભાઓમાં જવાનું પણ બંધ કર્યું હતું (હિબ્રૂ 10:25). તેથી જ આ પત્રમાં લેખક વારંવાર તેના પ્રેક્ષકોને, ઝડપી રાખવા અથવા અંત સુધી મક્કમ પકડ રાખવા પર ભાર મૂકે છે.

હિબ્રૂ 2:1 – “…તેના તરફ ખૂબજ કાળજીપૂર્વક ધ્યાન આપવું જોઈએ…”

હિબ્રૂ 3:6  – “…આપણે અંત સુધી હિંમત તથા આશાનું અભિમાન ચાલુ રાખીએ…”

હિબ્રૂ 3:14  – “ કેમ કે પ્રથમ જે વિશ્વાસ કર્યો હતો તેમાં ટકી રહીને જો આપણે અંત સુધી વિશ્વાસ રાખીશું…”

હિબ્રૂ 4:14  – “…જે વિશ્વાસનો પૂરેપૂરો સ્વીકાર કરીએ છીએ તેને દઢ પણે ચાલુ રાખવો જોઈએ…”

હિબ્રૂ 6:11  – “…તમે દરેક જણ છેવટ સુધી આ પ્રમાણે ઉત્સાહ બતાવવાનું ચાલુ રાખશો…”

હિબ્રૂ 10:23  – “ જે આશાઓમાં આપણે સંમત છીએ તેને આપણે મક્કમતાથી વળગી રહીએ…”

હિબ્રૂ 10:35  – “ માટે ભૂતકાળમાં હતી તે હિંમત ગુમાવશો નહિ…”

જ્યારે જીવન તમને એક પછી એક સમસ્યાઓથી આશ્ચર્ય કરે છે, ત્યારે નિરાશ થશો નહીં. ભૂતકાળમાં હતી તે હિંમત ગુમાવશો નહિ. તેના બદલે, દેવના વચન પર વધુ ધ્યાન આપો અને અંત સુધી તમારા ઉદ્ધારકને પકડી રાખો. યાતનાઓને ધૈર્યથી સહન કરો કારણ કે તે આવનાર યુગમાં સમૃદ્ધ પુરસ્કાર ધરાવે છે. વિશ્વાસ દ્વારા જીવો અને ઈસુ ખ્રિસ્ત માટે તમારી પ્રતિબદ્ધતા ક્યારેય છોડશો નહીં (હિબ્રૂ 10:35-39, માથ્થી 5:11,12).

જ્યારે આપણે પીડા સહન કરીએ છીએ ત્યારે શું દેવ આપણને મદદ કરે છે? પરેશાનીઓ દરમિયાન શું દેવ આપણા જીવનમાં શામેલ છે? અથવા જ્યારે આપણને દેવની ખૂબ જરૂર હતી ત્યારે શું દેવે આપણને છોડી દીધા છે ? હિબ્રૂઓના લેખક આપણને આ સંદર્ભમાં કેટલીક મહત્વપૂર્ણ બાબતો જણાવે છે.

1.     જે લોકો પરીક્ષણમાંથી પસાર થઈ રહ્યા છે, તેઓને મદદ કરવા ઈસુ ખ્રિસ્ત સક્ષમ છે. (હિબ્રૂ 2:18)

2.     ઈસુ ખ્રિસ્ત આપણી નબળાઇઓ પ્રત્યે સહાનુભૂતિ બતાવવા સક્ષમ છે. તે આપણી વાસ્તવિકતાના સંપર્કમાં છે. (હિબ્રૂ 4:15)

3.     ઈસુ ખ્રિસ્ત આપણને સંપૂર્ણ રીતે બચાવી શકે છે કારણ કે તે આપણા માટે દેવ સમક્ષ મધ્યસ્થતા કરવા હંમેશાં જીવે છે. (હિબ્રૂ 7:25)

જીવનમાં જ્યારે તમે મુશ્કેલ સમયમાંથી પસાર થાઓ, ત્યારે પાછા ન જશો. કયારેય હતાશ થશો નહીં. કેમકે આપણા સ્વર્ગીય પિતા આપણી મદદ કરવા, આપણી પ્રત્યેની સહાનુભૂતિ બતાવવા અને આપણને સંપૂર્ણ રીતે બચાવવા માટે હંમેશાં તૈયાર છે. તે આપણને બધી કસોટીઓ દરમ્યાન ટકાવી રાખશે. તેથી હિંમતપૂર્વક આપણે દેવના કૃપાસન સુધી પહોંચીએ જ્યાં કૃપા પ્રાપ્ત થઈ શકે તેમ છે. જ્યારે આપણને દેવની ખૂબ જરૂર હશે, ત્યારે એ આપણને ત્યાં મળશે. ત્યાં આપણને દયા અને કૃપાની જ્યારે જરુંર હોય છે ત્યારે મદદમાં મળશે (હિબ્રૂ 4:16) !! પ્રભુ ઈસુ ખ્રિસ્ત આપણા બધાને તેની ટકાવી રાખનાર કૃપા થી આશીર્વાદ આપે !!